ЗИМА 17/18
ЛЕТО 2018 - ГРЦИЈА
ВИКЕНД 19-ТИ ЈАНУАРИ
ЕП Ракомет 2018
LES 2 ALPS - Пакет аранжман

Јануарско скијање на вториот најстар ски центар во Европа после Шамони, а воедно и еден од највисоко поставените скијачки центри, со глечер на висина од 3600м (тука се скија и во лето). Градот паккаде е сместувањето се наоѓа на 1650м надморска височина и брои повеќе од 2000 жители, а големиот број на ресторани и барови го прават идеално зимско одмаралиште.

Les 2 Alpes е познат по перфектно средените долги и широки стази, погодни за сите типови на скијачи, е познат е и по најтешката црна стаза во Европа (Grand Colouire). Нуди одлични услови за скијање и надовр од ски терените- off piste за љубителите на free ride. Стазите се во најголем дел плави и црвени, широки и одлични за вежбање и усовршување на техники.

Les 2 Alpes е омилен меѓу многу скијачи, а особено е популарен кај младата популација поради својот ноќен живот, како и најдобрата Apres-ski-party. Забавата почнува во 15h во Pano Bar, сместен на самите ски терени, во 17h се сели во баровите во градот, а завршува во дискотеката Avalanche до раните утрински часови.

 

Сместување во Multi - Residences 1650

  • Сместување во 6 креветни апартмани + превоз + 6 дневен SKI PASS - 329€

  • Сместување во 4 креветни студио + превоз + 6 дневен SKI PASS - 319

Сместувањето е во одбраните апартмани, а горе наведената цена е по лице, доколку апартманот е исполнет во целост т.е. во него се сместени онолку лица колку што има кревети. Доколку во апартманот престојуваат помалку лица од предвиденото, празното легло се доплаќа, и тоа по следниот принцип:

  • Доплата за сместување на 2 особи во 4 креветно студио е 80€ по лице 
  • Доплата за сместување на 3 особи во 4-креветено студио е 40€ по лице

  • Доплата за сместување на 5 особи во 6-креветен апартман е 15€ по лице

  • Доплата за сместување на 4 особи во 6-креветен апартман е 40€ по лице

Програма:

05. Јануари – петок. Состанок на групата на паркингот кај спортската сала “Борис Трајковски” во 09:00 часот. Поаѓање за Les 2 Alpes во 09:30 часот.

Се патува преку граничниот премин Tабановце. Патување преку Србија, Хрватска, Словенија, Италија, со попатни паузи и гранични формалности. Ноќно возење.

06. Јануари – сабота. Пристигнување во Les 2 Alpes во попладневните часови и сместување во апартманите.

07-12. Јануари -  Шест дневно скијање во Les 2 Alpes и факултативноможност за посета на ски центарот Alpe d’ Huez (нема доплата за ski pass)

13. Јануари – сабота. Напуштање на собите до 10:00. Поаѓање за Скопје со попатна посета на еден од најголемите шопинг аутлет центри во Италија – VICOLUNGO непосредно пред Милано.

14. Јануари - недела. Пристигнување во Скопје во попладневните часови.

Во цената е вклучено:

  • Превоз со високотуристички автобус со LCD TV, DVD на релација Скопје – LES 2 ALPES – Скопје

  • 7 дневно сместување воапартмани во Multi – residences 1650

  • 6 дневен Ski Pass за ски центар Les 2 Alpes (вклучено и два дена скијање во Alpe d’ Huez)

  • Часови за сноуборд секој ден со инструктор.

  • Водич на групата

  • Можно е плаќање на три рати, а местото се смета за резервирано со уплата на депозит од 100 евра.

Во цената НЕ Е вклучено:

  • Патничко осигурување. Секој патник треба сам да извади патничко осигурување со задолжителен додаток кој вклучува ски ризик (повреди од зимски спортови).

  • Туристичка такса. Се наплаќа на ден по лице според важечкиот ценовник, директно на рецепција, а непосредно пред превземањето на апартманите (не е повеќе од 1 евро на ден по лице - деца под 13 години не плаќаат туристичка такса)

  • Пешкири и постелнина за апартманите, а истите може да се изнајмат на денот на пристигање по цена од: 11-14€ постелнина и 7,5€ сет пешкири. Од досегашното наше искуство, најповолно е секој да понесе свои.

 Напомени:

  • Постелнина и пешкири: Во цената не се вклучени пешкири и постелнина за апартманите, а истите може да се изнајмат на денот на пристигање по цена од: 11-14€ постелнина и 7,5€ сет пешкири. Од досегашното наше искуство, најповолно е секој да понесе свои.

  • Депозит: Депозит (гаранција) за секое студио е задолжителен и изнесува 300-600€ по студио/апартман. Се плаќа на самото пристигање, непосредно пред сместувањето. Плаќањето е готовинско или со резервирање на средства во висина на депозитот од девизна или кредитна картичка. Депозитот на крајот од сместувањето се враќа во целост, доколку апартманот е вратен во првобитната состојба (чист, среден и без оштетени предмети)

  • Завршно чистење: Чистењето на апартманите не е вклучено во цената на аранжманот, па патниците се задолжени за средување на апартманот и доведување на истиот во иста состојба како пред сместувањето. Апартманите нудат и служба за чистење, чија што услуга дополнително се плаќа на лице место (40-70€ во зависност од големината на апартманот).

***За реализација на ова патување потребен е минимум од 45 патници. Во случај на недоволен број пријавени, агенцијата го задржува правото на отказ на аранжманот најдоцна 5 дена пред одредениот термин за поаѓање.